*സി.ബി എസ് ഇ. പത്താം ക്ലാസ് ഫലം: 100% ഡിസ്റ്റിങ്ഷനോടെ തിളങ്ങി ക്രസൻ്റ് വിദ്യാർത്ഥികൾ

*

ആലുവ : ഈ വർഷത്തെ 10-ാംക്ലാസ് പരീക്ഷാഫലത്തിൽ വിദ്യാർത്ഥികൾ ശ്രദ്ധേയമായ നേട്ടം കൈവരിച്ചു. മുഴുവൻ വിദ്യാർത്ഥികളും ഡിസ്റ്റിങ്ഷനോടെ വിജയിച്ച് 100% വിജയം ഉറപ്പാക്കി.

38 വിദ്യാർത്ഥികൾ പരീക്ഷ എഴുതിയതിൽ 25 പേർ 90 ശതമാനത്തി ന് മുകളിലായി മാർക്ക് നേടി. ശേഷിക്കുന്ന എല്ലാ വിദ്യാർത്ഥികളും 80 ശതമാനത്തിന് മുകളിലായി മാർക്ക് നേടുകയും മികച്ച പ്രകടനം കാഴ്ചവെക്കുകയും ചെയ്തു.

പരീക്ഷയിൽ ഏറ്റവും ഉയർന്ന മാർക്ക് 99% ആണ്. ഫിസ ഫാത്തിമ എ.എസും മുഹമ്മദ് സാഹിൽ വി.എയും 99% വീതം നേടി ടോപ്പ് സ്കോറേഴ്സായി. നിധ ഫാത്തിമ 98 ശതമാനം മാർക്ക് കരസ്ഥമാക്കി രണ്ടാം സ്ഥാനത്തിനും അർഹയായി.

ഗണിതശാസ്ത്രത്തിൽ നേഹ ഫാത്തിമ ടി.എം , സയൻസിൽ മുഹമ്മദ് സാഹിൽ , അറബിക്കിൽ ഫിസ ഫാത്തിമ ഇൻഫർമേഷൻ ടെക്നോളജിയിൽ 14 വിദ്യാർത്ഥികളും 100/100 ൽനേടി മികവാർന്ന വിജയം കരസ്ഥമാക്കി.

വിദ്യാർത്ഥികളുടെ ഈ മികച്ച നേട്ടത്തിന് പിന്നിൽ അധ്യാപകരുടെയും മാതാപിതാക്കളുടെയും പൂർണ്ണ പിന്തുണയുണ്ടെന്ന് സ്കൂൾ അധികൃതർ അറിയിച്ചു.