വിദേശ സഞ്ചാരിയുടെ ഐഫോൺ തിരികെ നൽകി ടാക്സി ഡ്രൈവറായ വിനോദ് അഭിമാനമായി

കേരളത്തിന്റെ ആതിഥേയത്വ മര്യാദയും സത്യസന്ധതയും ഒരിക്കൽ കൂടി ലോകത്തിന് മുന്നിൽ തെളിയിക്കപ്പെട്ടു.

കൊച്ചിയിലെത്തിയ വിദേശ വിനോദസഞ്ചാരി ടാക്സിയിൽ മറന്നുവെച്ച വിലപിടിപ്പുള്ള ഐഫോൺ സുരക്ഷിതമായി തിരികെ നൽകി മാതൃകയായിരിക്കുകയാണ് ടാക്സി ഡ്രൈവർ വിനോദ്.

​ലക്ഷ്വറി ക്രൂയിസ് കപ്പലായ Azamara-യിൽ കൊച്ചിയിലെത്തിയ വിദേശ വിനോദസഞ്ചാരിയുടെ ഫോൺ ആണ്‌ നഷ്ടപ്പെട്ടത് . നഗരം കാണുന്നതിനായി എറണാകുളം ജില്ലാ ടൂറിസം പ്രൊമോഷൻ കൗൺസിലിന്റെ കീഴിലുള്ള പ്രീ-പെയ്ഡ് ടാക്സി സർവീസിനെയാണ് ഇവർ ആശ്രയിച്ചത്. യാത്രയ്ക്ക് ശേഷം പുറത്തിറങ്ങിയപ്പോൾ അബദ്ധവശാൽ ഫോൺ ടാക്സിയിൽ തന്നെ മറന്നു വെക്കുകയായിരുന്നു.

​

​യാത്രക്കാരെ ഇറക്കി കഴിഞ്ഞ് വാഹനം പരിശോധിച്ച വിനോദ് സീറ്റിൽ ഇരുന്ന ഐഫോൺ കണ്ടെത്തുകയായിരുന്നു. ഒട്ടും വൈകാതെ തന്നെ ഈ വിവരം ബന്ധപ്പെട്ട ഉദ്യോഗസ്ഥരെ അറിയിക്കുകയും ഫോൺ ഉടമയെ കണ്ടെത്തി സുരക്ഷിതമായി ഏൽപ്പിക്കുകയും ചെയ്തു. പള്ളുരുത്തി സ്വദേശിയാണ് വിനോദ്.

വിളിച്ച് അഭിനന്ദിക്കാം

വിമൊബൈൽ നമ്പർ....+919895084483