ആലുവയിലെ ബാറിൽ വച്ചുണ്ടായ വാക്കുതർക്കത്തിനിടയിൽ രണ്ട് പേരെ കുത്തി കൊല്ലപ്പെടുത്താൻ ശ്രമിച്ച കേസിലെ പ്രതി പൊലീസ് പിടിയിലായി

നിരവധി മോഷണ കേസുകളിൽ ജയിൽ ശിക്ഷ അനുഭവിച്ചിട്ടുള്ള

പശ്ചിമബംഗാൾ സ്വദേശി

ശ്യാമിൽ റോയിയെയാണ് പിടികൂടിയത്.

ഇക്കഴിഞ്ഞ 5ാം തീയതി രാത്രിയായിരുന്നു സംഭവം.

ആലുവയിൽ അലഞ്ഞുതിരിഞ്ഞു നടക്കുന്ന ശക്തിവേൽ, അബ്ബാസ് എന്നിവരുമായിട്ടാണ് ബാറിൽ വച്ച് വഴക്കുണ്ടായത്.

തുടർന്ന് ബാറിൽ നിന്ന് പുറത്തിറങ്ങിയപ്പോൾ കയ്യിലുണ്ടായിരുന്ന കത്തിക്കൊണ്ട് രണ്ടു പേരെയും കുത്തി.

ഇവരിൽ ശക്തി വേൽ ചോര വാർന്ന് സമീപത്തെ പെട്രോൾ പമ്പിനുമുന്നിൽ കുഴഞ്ഞുവീണു.

ഉടൻ ആശുപത്രിയിലെത്തിച്ചതിനാൽ മരണം സംഭവിച്ചില്ല.

സി.സി.ടി.വി ദൃശ്യങ്ങളിൽ നിന്നും ശ്യാമൾ റോയിയുടെ രണ്ട് സുഹൃത്തുക്കളെ തിരിച്ചറിഞ്ഞു.

ഇവരെ കസ്റ്റഡിയിലെടുത്ത് ചോദ്യം ചെയ്തതിനെത്തുടർന്ന് നടത്തിയ അന്വേഷണത്തിൽ

പെരുമ്പാവൂരിൽ നിന്നുമാണ്‌ ഇയാളെ പിടികൂടിയത്.