നെടുമ്പാശ്ശേരി : പശ്ചിമേഷ്യൻ യുദ്ധകെടുതിയിൽ കുവൈത്തിൽ കുടുങ്ങിയ 250 ഓളം പേർ പ്രത്യേക ചാർട്ടർ വിമാനത്തിൽ നാടണഞ്ഞു.

പശ്ചിമേഷ്യൻ യുദ്ധത്തെ തുടർന്ന് കുവൈത്ത് വിമാനതാവളം അടച്ചിട്ടിരിക്കുകയാണ്. കുവൈത്തിൽ നിന്ന് റോഡ് മാർഗം ദമാമിലെത്തി അവിടെ നിന്നുമാണ് വിമാന മാർഗം നെടുമ്പാശ്ശേരിയിലെത്തിയത്.

പ്രവാസി വെൽഫെയർ ഫോറത്തിൻ്റെ നേതൃത്വത്തിലാണ് ചാർട്ടേഡ്‌ വിമാനം സജ്ജമാക്കിയത്.

സന്ദർശക വിസയിലും മറ്റും കുവൈത്തിൽ എത്തി തിരിച്ച് വരാൻ ബുദ്ധിമുട്ടിയവരെയും യുദ്ധ കെടുതിയെ തുടർന്ന് ജോലി നഷ്ട പെട്ടവർ ഉൾപ്പെടെയുള്ളവരുമായിരുന്നു ഇവരിലേറെയും.

. ഒരാഴച്ച മുമ്പ് മറ്റൊരുചാർട്ടേഡ് വിമാനത്തിൽ 250 പേർ എത്തിയിരുന്നു .തുടർന്ന് കുവൈത്തിൽ ജോലി ചെയ്യുന്ന തിരിച്ച് പോകാൻ കഴിയാതിരുന്ന പ്രവാസികളെ അതേ വിമാനത്തിൽ തന്നെ കുവൈത്തിലേക്ക് തിരിച്ച് കൊണ്ട് പോകുകയും ചെയ്തു . പ്രവാസി വെൽഫെയർ ഫോറം ജില്ല പ്രസിഡൻ്റ് സക്കരിയ പള്ളിക്കര, സെക്രട്ടറി അൻവർ ആലുവ, വെൽഫെയർ പാർട്ടി ജില്ല കമ്മറ്റി അംഗങ്ങളായ നൗഷാദ് ആലുവ, റഹീം കുന്നത്ത് , സൈനുദീൻ എന്നിവരുടെ നേതൃത്വത്തിൽ തിരിച്ചെത്തിയവരെ സ്വീകരിച്ചു