ജൂഡോ ചാമ്പ്യൻഷിപ്പിന് തുടക്കമായി
45 ആമത് കേരള സംസ്ഥാന സബ്ജൂനിയർ ജൂഡോ ചാമ്പ്യൻഷിപ്പിന് യുസി കോളേജിൽ തുടക്കം.
45 ആമത് കേരള സംസ്ഥാന സബ്ജൂനിയർ ജൂഡോ ചാമ്പ്യൻഷിപ്പ് ആലുവ യൂണിയൻ ക്രിസ്ത്യൻ കോളേജിൽ ആരംഭിച്ചു. രാജ്യസഭ എംപി അഡ്വ ജെബി മേത്തർ ചാമ്പ്യൻഷിപ്പ് ഉദ്ഘാടനം ചെയ്തു. ആലുവ എംഎൽഎ അൻവർ സാദത്ത് അധ്യക്ഷത വഹിച്ചു.
ചടങ്ങിൽ യുസി കോളേജ് പ്രിൻസിപ്പൽ പ്രൊഫ. (ഡോ.) മിനി ആലീസ്, എറണാകുളം ജില്ലാ ജൂഡോ അസോസിയേഷൻ വൈസ് പ്രസിഡൻ്റും ആലുവ യുസി കോളേജ് കായിക വകുപ്പ് അധ്യക്ഷയുമായ ഡോ ബിന്ദു എം, കേരള ജൂഡോ അസോസിയേഷൻ എക്സിക്യൂട്ടീവ് വൈസ് പ്രസിഡൻറ് എ ശ്രീകുമാർ, കേരള ജൂഡോ അസോസിയേഷൻ വൈസ് പ്രസിഡൻറ് ജോയ് വർഗീസ് കെ, എറണാകുളം ജില്ല ജൂഡോ അസോസിയേഷൻ ചീഫ് പേട്രൺ ഷൈജു പറമ്പി, എറണാകുളം ജില്ലാ ജൂഡോ അസോസിയേഷൻ പ്രസിഡൻറ് ചെന്താമരാക്ഷൻ പി എ തുടങ്ങിയവർ സംസാരിച്ചു.
ആൺകുട്ടികളുടെയും പെൺകുട്ടികളുടെയും വിവിധ ഭാരവിഭാഗങ്ങളിലായി നടക്കുന്ന മത്സരങ്ങളിൽ സംസ്ഥാനത്തിന്റെ വിവിധ ജില്ലകളിൽ നിന്നായി ഏകദേശം 800 ഓളം കായികതാരങ്ങൾ പങ്കെടുക്കുന്നു. കേരള ജൂഡോ അസോസിയേഷന്റെ ആഭിമുഖ്യത്തിൽ എറണാകുളം ജില്ലാ ജൂഡോ അസോസിയേഷൻ ആണ് ചാമ്പ്യൻഷിപ്പ് സംഘടിപ്പിക്കുന്നത്.
ചാമ്പ്യൻഷിപ്പിലെ പ്രകടനത്തിന്റെ അടിസ്ഥാനത്തിൽ വരാനിരിക്കുന്ന ദേശീയ സബ്ജൂനിയർ ജൂഡോ ചാമ്പ്യൻഷിപ്പിൽ കേരളത്തെ പ്രതിനിധീകരിക്കുന്ന ടീമിലേക്കുള്ള താരങ്ങളുടെ തിരഞ്ഞെടുപ്പും നടക്കും.
നാളെ നടക്കുന്ന സമാപന സമ്മേളനം കേരള ഉന്നത വിദ്യാഭ്യാസ വകുപ്പ് മന്ത്രി റോജി എം ജോൺ ഉദ്ഘാടനം ചെയ്യും.
TOP STORIES
