റൺവേ റൺ മാരത്തൺ ഒരുക്കും
*ഹൃദ്രോഗ പ്രതിരോധത്തിനായി 'റൺവേ റൺ' മാരത്തൺ സെപ്റ്റംബർ 20ന്*
കൊച്ചി : ലോക ഹൃദയ ദിനത്തോടനുബന്ധിച്ച് ആലുവ രാജഗിരി ആശുപത്രിയും, കൊച്ചിൻ ഇന്റർനാഷ്ണൽ എയർപോർട്ട് ലിമിറ്റഡും (സിയാൽ) സംയുക്തമായി സംഘടിപ്പിക്കുന്ന 'റൺവേ റൺ' മാരത്തൺ സെപ്റ്റംബർ 20ന് നടക്കും. മാരത്തൺ ലോഗോ പ്രകാശനം സിയാൽ മാനേജിംഗ് ഡയറക്ടർ എസ്. സുഹാസ് നിർവ്വഹിച്ചു. സി.ഐ.എ.എസ്.എൽ ബിസിനസ് സെന്റർ പരിസരത്ത് രാവിലെ 6ന് ആണ് ഫ്ലാഗ് ഓഫ്. സിയാലിനോട് ചേർന്ന് ക്രമീകരിക്കുന്ന ട്രാക്കിൽ 10, 5 കിലോ മീറ്റർ വിഭാഗങ്ങൾക്ക് പുറമെ ഫൺ റണ്ണും ക്രമീകരിച്ചിട്ടുണ്ട്. മാരത്തണിൽ പങ്കെടുക്കുന്നതിനുളള രജിസ്ട്രേഷൻ നടപടികൾ ഔദ്യോഗികമായി ആരംഭിച്ചു.
തിരക്കുപിടിച്ച ജീവിതശൈലിക്കിടയിൽ വ്യായാമത്തിന്റെ പ്രാധാന്യം ഓർമ്മിപ്പിക്കാനും ഹൃദ്രോഗ പ്രതിരോധത്തെക്കുറിച്ച് ജനങ്ങളിൽ അവബോധം സൃഷ്ടിക്കാനുമാണ് സിയാലുമായി ചേർന്ന് മാരത്തൺ സംഘടിപ്പിക്കുന്നതെന്ന് രാജഗിരി ആശുപത്രി എക്സിക്യൂട്ടീവ് ഡയറക്ടർ ഫാ.ജോൺസൺ വാഴപ്പിളളി പറഞ്ഞു. .
മാരത്തണിൽ സിയാലിൽ നിന്നുളള ജീവനക്കാർ ഉൾപ്പെടെ എഴുന്നൂറോളം പേർ പങ്കെടുക്കുമെന്ന് സംഘാടകർ അറിയിച്ചു. മാരത്തൺ വിജയകരമായി പൂർത്തിയാക്കുന്ന എല്ലാവർക്കും സർട്ടിഫിക്കറ്റും, മെഡലും ലഭിക്കും. മാരത്തണിന് മുന്നോടിയായി പങ്കെടുക്കുന്നവർക്ക് സൂംബ സെഷനും, വാം അപ് ക്യാമ്പും ക്രമീകരിക്കുന്നുണ്ട്. പൊതുജനങ്ങൾക്കും ഓൺലൈൻ വഴി രജിസ്ട്രേഷൻ നടപടികൾ പൂർത്തിയാക്കാം. രജിസ്ട്രേഷൻ ചെയ്തവർക്കുളള ബിബ് വിതരണം സെപ്റ്റംബർ 19ന് രാജഗിരി ആശുപത്രി, സിയാൽ, ഇടപ്പള്ളി മെട്രോ സ്റ്റേഷൻ എന്നിവിടങ്ങളിൽ നടക്കും.
ഇതോടൊപ്പമുളള ക്യൂആർ കോഡ് സ്കാൻ ചെയ്ത് രജിസ്ട്രേഷൻ നടത്താം. കൂടുതൽ വിവരങ്ങൾക്ക് ബന്ധപ്പെടുക : 8590965542 (വാട്സ് ആപ്പ് )
TOP STORIES
